|
| 終於又到左2008年啦
07年呢一年好難忘
發生唔開心既野多過開心既野好多 係頭半年都好平穩
不如意既事就係7月接腫而來
7月同呀分左手
9 月10月3段可有可無既感情
到左11月生日月自己一個人過(無女朋友)
12月聖誕節都一個人傻傻地咁係屋企過
最後去到年三十晚
應該係約左個好靚既女仔出街
諗住2007最後一日可以開開心心啦
滿懷歡喜咁等,但係最後都係不幸而終(終結07年個終呀)
點知佢病左@@(係唔係連個天都唔想我開心)
咁係屋企等佢電話啦
一路等一路玩勁舞一路訓下
由7點等到1點都係呆等
最尾頂唔順落左街買麥當奴食(勁肚餓)
諗住同佢一齊食野,點知...........
跟住返上黎一路食一路睇行運一條龍
好好笑呀...............................
我諗緊我係呀褔定係呀水哥呢
睇完之後由年初四咁款變返個正常人
不過唔緊要啦,我都慣晒(預感成真)
最緊要係你快d好返
就黎又到情人節啦
你唔好返我都唔知點算
我唔想情人節都自己一個人呀 今日年初一祝所有人
心想事成 不過好難起碼我唔係先
龍馬精神 呢個一定得邊等邊訓
身體健康 希望你快d好返啦 | | |
| 趺倒的我又再重新振作
繼續尋找我既幸福
繼續發掘我的另一半
不過一齊都係隨緣啦
未有男朋友既女性朋友小心d
由其係靚女果d(我話過佢靚果d呢)
可能我下一個目標係你
不過唔好再埋黎呃我
趺倒真係好痛好傷
再趺都唔知點算
所以唔該大家晒喇 係呢到要好多謝5個人
係我趺倒既時候
有佢地5個安慰我(支持都得既)
大妹,2妹,3妹,紫,仲有我個真妹
多謝晒呀 就黎到新年啦(鼠年)
祝所有我識同識我既人
新年快樂 身體健康 龍馬精神
心想事成 萬事如意 財運亨通
不過今年都係過一個無女朋友既
...............2月14................ | | |
| 我既缺點又令我再次跌倒
6日的愛既然可以咁痛咁傷
缺點唔通真係無得改?? 今次遇上高手,係大話高手
估唔到識左6日講10樣野有8樣係大話
我覺得你真係真係好叻
講一個大話可以用另一個大話蓋左
每一個都覆蓋得好完美(太叻喇)
我唔認輸都唔得
可能你講完比人識穿左之後
會好傷好痛好唔開心
雖然我無比你呃到d咩
但係你有無諗過我比你
會更傷更痛更唔開心
我有同你講左我需要d咩
我唔知你點解仲要呃我
係唔係我好呃d呀?
我知道講大話既人一定有佢既原因
不過呢個唔係值口
如果係朋友既話唔係應該坦白咩?
係唔係一定要講大話先可以解決到問題?
唔好咁自私得唔得
講之前諗下人地既感受好唔好
比你呃到又點
到最後咪攪到大家朋友都無得做
不過我唔會
我都仲會當你係朋友
唔知點解我無嬲你
我係唔係應該嬲你?
但係我無嬲你之如
我唔知點解仲會掛住你
真係唔知點解
呢6日多謝你既愛
亦都好多謝你敎左我好多野 一.就係唔好咁易信人
唔通呢個世界除左屋企人之外
無一個係可以信既??
仲有唔該本身識我同想識我既人
唔好再講大話呃我
如果你係d咁既人唔好埋黎
唔好再埋黎呃我,唔該晒!!!
二.付出幾多唔等於收穫幾多
可能你都有付出
唔好計大家付出多與小
唔好計大家收穫多與小
既然知道大家無可能
點解仲要浪費呢d時間呀?
三.原來希望越大失望真係越大
多謝之前提過我既人
呢樣野我知ga
不過我既缺點令我改唔到
我只可以同提過我既人講聲sorry
我會努力去改呢個壞習慣,多謝晒
四.歌都有得唱(命裡有時終須有 命裡無時莫強求)
當一個人想要既野偏偏無
唔搵既時候就多到唔知點簡
仲有一句(冥冥中 都早注定你富或貧)
係唔係你整定
無既時候唔好強行咁搵
搵到都未必好
一齊隨緣吧 上面堆野可能你睇完會話
鬼唔知咩
但係當你沉迷住既時候
真係未必會知
當局者迷係無講錯
極度專心做一樣野既時候
老豆姓咩都唔知
真係要醒啦
唔好再強行咁搵啦
各位睇完既朋友
睇完希望對你地都有個警惕
我就中左ga啦
希望我既所有好朋友開開心心啦
| | |
| 咁又過左一年啦
到左2008年啦
首先祝各位新年快樂先 過左一個好悶既聖誕
真係好悶呀呀呀呀呀
不過好在都過左一個叫做有人陪既除夕
去左好遠既大欖燒野食
同左一大班同事過埋2007年最後既一日
都叫做OK咁過左
始終都係覺得自己身邊無左個人
真係有D唔慣
不過唔慣又點
無計呢D野無得急
但係唔該識我既人有D咩好女仔搵我
又靚又可愛就最好啦
做下朋友都好......哈哈唔該晒 向2008年既願望係......唔講你地聽住
不過係呢到點都要祝福下人既
遂個遂個祝下先
首先祝呀星呀成今年WIN多D
跟住祝呀B生活愉快
巴士同曾曾開開心心
跟住就梗係唔小得勁舞6個妹啦
大妹同2妹祝你地:身體健康啦
3妹同4妹祝你地:快D搵到份好工
5妹祝你:學業進步
最後到SAN妹祝你:事業進步(好焊)
好過無啦
最緊要一樣野祝你地6個越黎越靚
咁仲有好多朋友祝唔晒咁多
係呢到祝晒識我既人
一本萬利 龍馬精神
身體健康 事事如意
好似拜年咁TIM
是但啦收住先啦
想我祝多D打比我同你講啦 咁多位新年快樂啦 | | |
| 今日又無啦啦向到諗
究竟一個人自自由由好
定係有人陪係身邊好呢 因為我發覺原來一個人
無另外一半係無咩寄託
日日都係返工放工返屋企
有波踢就叫好d
但係無既時候好似無所事事咁 但如果有另外一半既時候
可以日日都同佢一齊
不過又好似無咩自由咁
去邊做d咩都要報到咁(某d女仔) 咁其實係有好定無好呢??
不過見到係街好多情侶都好似好開心
我自己又好想有
但係有樣野好唔明
點解見親靚女隔離果個一定係......勁樣衰
呢個問題由我開始識拍拖到而家到完全唔明
唔通我仲未識拍拖 不過點都好就黎聖誕啦
希望所有有另一半既人都開開心心
未搵到既祝你聖誕前搵到
過一個開開心心快快樂樂既聖誕
唔好好似我咁一個人過聖誕
不過我會長訓都會好開心(哈哈)
講住咁多廢話先
祝上黎留言既人聖誕快樂
唔留都祝埋啦 | | |
|
